آهٍ يا شآم المجد
سقى الله أيام كان الشام عندا هويّة
هويّة خضرة بلون خضار الغوطة أيام الشتي ,
و بلون وراق النارنج و الكبّاد ببحرة بيت العيلة يلي عم تخدق فيها فيجة صافية متل صفاوة الدهب الأبيض,
و بلون صحن العوجة إدام أبو سليم يلي مالك الدنيا و هوعم يشفط بأرجيلتو وينفخ دخان أبيض من بين فتحات شواربو السماك,
خضرة متل قلب صبية صغيرة رايحة عند الخياطة وهي عم تحلم أنو تفصّل أول روب مشان تحرئص ابن الجيران.
هويّة بيضة بلون الياسمين تبع نزار قباني,
و بلون الزنبق تبع محمد الماغوط,
بيضة بلون الطبشورة يلي بيرسموا فيها الولاد على أرض الحارة,
و بلون الغبرة على خشب بواب جنة الشام السبعة,
و بلون القشطة البلدي على وش المدلوقة يلي "الله وكيلك هلآ اجتنا تازة من حماة".
هويّة حمرة بلون الورد الجوري عطول السنة بدال بس 14 شباط,
و بلون الياسمين بعيون صبية حلوة لما تحس حالا مجروحة و تقول "ياسمين دمشق تلوث بدمي"
و بلون طبعات دم الخواريف المعمولة بإيدين اللحام و مكتوب تحتها بخط مجعلك و لغة أجعلك "ربّي بارك هاذا لبيت , عين لحسود تبلى بلعمى",
حمرة بلون ليلة أبو سليم و هي مرتو عم تتغنج و تغنيلو "بعد العشا يا سيدي , قبل العشا لا لا", قبل ما يطب عليهن المسحر و يجعلكلون مجازون.
هويّة زرقة بلون السما لما الولاد منشورين عل الأساطيح ليطيروا طيارات الورق المعمولة من غرا أبيض و ورق لميع,
بلون طيارة و أحلام حدّو يلي صار أد الشنتير و لسّع عم يعطوط عالأساطيح و يعككن الجو على أبو سليم يلي بيشلفو بكيلة زرقة و يزعأ في صوت "نزيييييل و لك"
زرقة متل منظر بحرة نبع بردى و منظرالسما الصافي من قاسيون و منظر البحر يلي بترسمو ببالك و أنتا عم تسمع فيروز بقهوة النوفرة عم تغني بس إلك "شايف البحر شو كبير, مدري أد مدري كبر البحر بحبّك"
لك هوية ملونة بمية لون و لون, متل لون القضامة ع سكر و الملبّس قبل يوم العيد و انت فايت عالبزورية و عم تنتعر يمين و شمال بين أبو سليم و أبو حدّو, و ريحة الأطايب معششة بكل مخك, و كل نشاز العالم عم يهاجمك من بياعين التماري كعك حتى صوت الراديو المسكج و طالع منو صوت "المساعد جميل تبع حكم العدالة الله يبعدنا عنو"
هويّة مهرتكة عليها صورة ختيارة كلها ملامح صبا و شقاوة,
عيونا سود متل الليل بس عم يلمعوا متل ضو الكاز و صوبية الفحم بشي ليلة من آدار
وشا أبيض متل التلج , راسا مرفوع , كتافا جالس, شعراتا مدهدرين و ريحتون غار حلبي أصلي
هويّة عليها عنوان كتير صغير بس كتير كبير
"بقلب كل واحد شافك و حبّك يا شام بدون ما يحاول يغيّر هويتك"
لك أه يا شام , بس لو تعرفي شو عم يصير,شكلو ضاعت الهوية و ما رضيو بالمخفر يكتبوا ضبط لأنو مدري نزلو عالدبكة تبع علي الديك أو راحوا يفكوا العراقية من الخناءة و نسيوكي يا شام.
مدري ليش حاسس حالي متشومن اليوم, فيمكن تقلت العيار شوي
إذا في حدا ما فهم الكلمات اسألوني
هويّة خضرة بلون خضار الغوطة أيام الشتي ,
و بلون وراق النارنج و الكبّاد ببحرة بيت العيلة يلي عم تخدق فيها فيجة صافية متل صفاوة الدهب الأبيض,
و بلون صحن العوجة إدام أبو سليم يلي مالك الدنيا و هوعم يشفط بأرجيلتو وينفخ دخان أبيض من بين فتحات شواربو السماك,
خضرة متل قلب صبية صغيرة رايحة عند الخياطة وهي عم تحلم أنو تفصّل أول روب مشان تحرئص ابن الجيران.
هويّة بيضة بلون الياسمين تبع نزار قباني,
و بلون الزنبق تبع محمد الماغوط,
بيضة بلون الطبشورة يلي بيرسموا فيها الولاد على أرض الحارة,
و بلون الغبرة على خشب بواب جنة الشام السبعة,
و بلون القشطة البلدي على وش المدلوقة يلي "الله وكيلك هلآ اجتنا تازة من حماة".
هويّة حمرة بلون الورد الجوري عطول السنة بدال بس 14 شباط,
و بلون الياسمين بعيون صبية حلوة لما تحس حالا مجروحة و تقول "ياسمين دمشق تلوث بدمي"
و بلون طبعات دم الخواريف المعمولة بإيدين اللحام و مكتوب تحتها بخط مجعلك و لغة أجعلك "ربّي بارك هاذا لبيت , عين لحسود تبلى بلعمى",
حمرة بلون ليلة أبو سليم و هي مرتو عم تتغنج و تغنيلو "بعد العشا يا سيدي , قبل العشا لا لا", قبل ما يطب عليهن المسحر و يجعلكلون مجازون.
هويّة زرقة بلون السما لما الولاد منشورين عل الأساطيح ليطيروا طيارات الورق المعمولة من غرا أبيض و ورق لميع,
بلون طيارة و أحلام حدّو يلي صار أد الشنتير و لسّع عم يعطوط عالأساطيح و يعككن الجو على أبو سليم يلي بيشلفو بكيلة زرقة و يزعأ في صوت "نزيييييل و لك"
زرقة متل منظر بحرة نبع بردى و منظرالسما الصافي من قاسيون و منظر البحر يلي بترسمو ببالك و أنتا عم تسمع فيروز بقهوة النوفرة عم تغني بس إلك "شايف البحر شو كبير, مدري أد مدري كبر البحر بحبّك"
لك هوية ملونة بمية لون و لون, متل لون القضامة ع سكر و الملبّس قبل يوم العيد و انت فايت عالبزورية و عم تنتعر يمين و شمال بين أبو سليم و أبو حدّو, و ريحة الأطايب معششة بكل مخك, و كل نشاز العالم عم يهاجمك من بياعين التماري كعك حتى صوت الراديو المسكج و طالع منو صوت "المساعد جميل تبع حكم العدالة الله يبعدنا عنو"
هويّة مهرتكة عليها صورة ختيارة كلها ملامح صبا و شقاوة,
عيونا سود متل الليل بس عم يلمعوا متل ضو الكاز و صوبية الفحم بشي ليلة من آدار
وشا أبيض متل التلج , راسا مرفوع , كتافا جالس, شعراتا مدهدرين و ريحتون غار حلبي أصلي
هويّة عليها عنوان كتير صغير بس كتير كبير
"بقلب كل واحد شافك و حبّك يا شام بدون ما يحاول يغيّر هويتك"
لك أه يا شام , بس لو تعرفي شو عم يصير,شكلو ضاعت الهوية و ما رضيو بالمخفر يكتبوا ضبط لأنو مدري نزلو عالدبكة تبع علي الديك أو راحوا يفكوا العراقية من الخناءة و نسيوكي يا شام.
مدري ليش حاسس حالي متشومن اليوم, فيمكن تقلت العيار شوي
إذا في حدا ما فهم الكلمات اسألوني
10 Comments
أحمر برمضان ؟ له له يا ابني ..
لك يللي بددو يدوور علشام يروح لعندك ..
Damascus is alive becuase of people like you Iyado .. and we will keep it alive for us ..
Loved it :P
خليتني عيش كل لون من ألوان الشام
حس بالأخضر، شم ريحة الأبيض، المس الأحمر، شوف الأزرق، وآخ عالملون ما أحلا ألو معزة خاصة لأني كل يوم بعيشو:D
بتعرف شو ...! بقترح عليكم تقترحو الغاء المركزية و انو ينعمل بكل محافظة سفارة و وزارة , هيك ببطل عدد كبير كتير يجي و شّوهلك شام المجد .
و بكون أفضل أنو تعملو سور حولين الشام , تحطو على بابو حراس يمنعو دخول أيّ واحد مالو شامي أصيل و عريق على شام المجد ....!
لك لعمى العالم كل يوم عم يسبأنا 100 سنة على الأقل , أوروبا كلها اتحدت مع بعضها و نحنا لساتنا منحكي بشام المجد!
مو غريب أبدا أننا أمة ما حدا بيعترف و لا حيعترف عليها !
و المشكلة يا عزيزي مالا بمين عم يحكم البلد , المشكلة بالفساد و التخلف و التعصب يللي تأصّل بالنفوس و يللي أساسا هو من أساس تركيبتنا و يللي الله عليم لوين رح يوصلنا كمان .........
ملاحظة مالا مهمة : غنية فيروز بتقول كبر البحر بحبك مو أد البحر بحبك .....
Iyado
that was mu ma32ul
kteeer 7lu
i luved it so so so much
u made me dream n dream
i didnt wanna wake up
thnx soooo much
مرحبا ...
اجيت لرد على هادا الموضوع , لئيت كل انو اي كلمة ممكن اكتبها كرد ممكن تكون تقليدية كتير ,’ وموضوعك غير تقليدي ...
يعني ما رح قللك انو بحني راسي قدام رتابة كلماتك , ما رح قللك مشكوووووور , ولا رح قللك رجعتنا لأيام زمان , ما رح قللك انو ما في كلمات عندي ممكن رد عليك فيها بعد الكلام اللي قلتو .....الخ الخ
ببساطة ..
استطعت من خلال موضوعك هاد صنع صورة بقلمك , بيصعب على أكتر مصور محترف بها الدنيا انو يصورها ....
تحياتي
قاسم
لك يسلم ايديك يا عمو بتجنن والله...بفضع عينك من وين بتجيب الحكي؟!...
و بحب قلو لعمو الدب Anonymous انو إلغاء المركزية فكرة أبدا مو عاطلة... يعني يادب من وين لوين بدك تقارنّا بأوروبا...عل قليلة بأوروبا مافي هالنهب و اكل الهوا يلي بصير عنا...لما بتكون رؤوس الأموال كلا بأيد كم شخص ولما حثالة البشر (يعني بلا علم بلا ثقافة بلا أخلاق بلا فهم) بيكونوا عم يسرحو يمرحو كأنو البلد ملك يلي خلفن...و بنفس الوقت لما بتكون العالم الفهمانه يلي ممكن بيوم من الأيام انو تعمل شي للبلد عم تهج لبرا...يعني شلون بدنا نصير يافهمان؟؟؟!!!!!...الفكرة لو كنت بتعرف الشام كيف كانت من قبل و لما بتشوفها اليوم ما بتقدر الاّ انو يجعك قلبك عليها...
Salam Everyone
thank you so much for passing by
it means alot , whether you liked the post or not :D
cute nk2.
loool , yes a7mar be ramadan , wallahi why not , all are allowed after the 3esha :P
Ram
your comment was awesome and overcome my post :D, thanks dear , i wish you a life full of colors
Anonymous
بتعرف شو
مع انو ما حبيت اقتراحك , بس فيه وجهة نظر
اصلا انا مالي شامي, بس يا أخي عالأقل حافظت على هوية الشام
و أخي انا بدوي لا تشبهني بأوروبة و أجنبيا
ملاحظة مهمة : أنا قلت فيروز كانت عم تغني بس غلي , انت شو عرفك شو كانت عن تقول؟
anyways , thank you for coming , i appreciate your words
Lana
you are welcome , bas wake up sar wa2t el school :P
Kasem
شكرا كتير على كل كلمة كتبتا , عنجد خجلتني ,
أنا ما عندي كلام رد على تعليقك المميز لانو صراحة طحشتني معلم :D
Sharks
allah ysalmek dear
bas shway shway 3al zalameh ma3asty :D
kteer 7elow..
I felt sad...I miss it too much..
@anonymous:
المشكلة مو مشكة أصيل وعريق، ولا هي أنو نحنا تاركين الدنيا تركض وقاعدين عم نفكر بالشام ونندب. المشكلة أنو حتى بأوروبا الموحدة يلي عم تقارن فيها، هوية المدينة مابتلتغا لأنو إذا بدنا نفلسف القصة شوي منقول: المدينة كانت دائماً الحاضن الثقافي للتقدم الاجتماعي والحضاري بشكل عام، المدينة كثقافة، كمجتمع، لا كتجمع لأبنية قاتمة مقيتة لاتزيد عن كونها خيم بدوية بيتونية.
وأنا كشامي، لما بقول أنو الشام تبعنا ما عادت موجودة، مو معناتا أنو أنا ما بقبل الأشخاص التانيين الموجودين بالشام، بس معناتا أنو وصلنا لمرحلة ما عدت لقيت الأشخاص اللي متلي، يعني راحو بالعجقة! يعني ما بيزعجني أسمع أغاني الديك بالطريق، بس بيضرب على عصبي أني ما عم أسمع غيرها.
على كلَّن القصة مو قصة "أصل شامي" لأنو من يوم يومها الشام بتستقبل كل الناس، المشكلة هي "ثقافة الشام".
@grayfox:
في حال ما انتبهت: دحشت أصبعك بالجرح!
salam all
Thank you Gardenia for your sweet words
Shady
شكرا كتير عالموضوعية يلي حكيت فيها عن الموضوع
و شكرا على دحش اصبعتك بالجرح معي :D
Post a Comment
« Home